Нүүр Зөвлөгөө Гоо сайхан Сүрчгийн үнэр тухайн бүсгүйн мөрөөдөл, мэдрэмжийг илтгэнэ

Сүрчгийн үнэр тухайн бүсгүйн мөрөөдөл, мэдрэмжийг илтгэнэ

0
0
392

Хүн төрөлхтний нэн эртнээс хэрэглэж заншсан сарнай, агар зандангийн сайхан үнэртэн ихэвчлэн халуун, дулаан оронд элбэг тохиолдох тул алс холоос тээвэрлэх үнэ цэнийн хувьд дэлхийн зах зээл дээр “шингэн шар алт” хэмээн алдаршжээ. Сарнай цэцгийн нэг кг тос суудлын хоёр машин буюу га талбайн үр тарианы үнэтэй тэнцдэг.

Үнэндээ сайхан үнэртэй эфирийн тосгүйгээр парфюмерийн (сүрчиг) гоо сайхны (косметикийн) бараа үйлдвэрлэж чадахгүй. Сарнайг цэцгүүдийн хатан хаанд өргөмжилсөн нь учиртай. Яагаад гэвэл сарнай цэцгийн үнэр нь тархинд шууд үйлчилж, цусны эргэлтийг сайжруулснаар таашаалын гормон боловсруулдаг аж. Сайхан үнэр санаа сэтгэлийг хөөргөн, мартагдсан дурсамжийг сэргээдэг байна.

Ургамлын эфирийн тосны сайхан үнэр хүн, амьтны харах, сонсох, мэдрэх, ялгаруулах эрхтэн, зүрх судас, булчингийн ажиллагааг идэвхжүүлэх ба эвгүй муухай үнэр бууруулах талтай. Аливаа тансаг үнэртэн, гоо сайхны бараа нь үжил, ян, нян, мөөгөнцрийн эсрэг үйлчилгээтэй нь үүнтэй холбоотой. Хүн олон цугларах сүм хийдэд хүжийн үнэртнийг хэрэглэдэг нь нян устах, түүний өсөлт хөгжилтийг зогсоох, дарахтай холбоотой юм. Анхилуун, сайхан үнэрт дургүй эмэгтэй байдаггүй. Учир нь эмэгтэйчүүдэд мэдрэмж, таашаалын сэрэл илүү хөгжсөн байдаг. Тансаг үнэртний дотроос сэтгэл санаа сэргээн идэвхжүүлэх хамгийн цоглог нь сүрчиг юм. Сүрчгийг 96 хувийн спиртэд олон янзын үнэр найруулсан үнэртэн бодисыг 5-20 хувь хүртэл хольж үйлдвэрлэдэг.

Сүрчгийн үнэр нь мөрөөдөл, мэдрэмж, сэтгэлийн ертөнцтэй салшгүй холбоотой. Сүрчгийг хэрэглэхэд учир бий. Идэр залуу бүсгүйд хүнд бус хөнгөн, шинэлэг үнэр илүү зохих жишээтэй. Сүрчгийн үнэрийг хувь хүний темперамент, хувцасны стиль (хэв маяг)-тэй хослуулах нь бий. Секслэг төрхтэй, хурц тод хувцас өмсөх, эрчүүдийн анхаарал татах дуртай эмэгтэйд үлбэгэр сүрчиг тохирохгүй. Хажуугаар нь өнгөрөхөд “юу билээ” гэж эргэн харам тийм тод, гоц, өвөрмөц үнэртэй сүрчиг л зохимжтой. Эрчүүд мөн адил, сүрчгийг (одеколон) сонгохдоо өөрсдийн имидж, зан чанарын онцлогоо харгалзах нь зүй. Царай зүс, өндөр нам бус зөвхөн гойд тансаг үнэртнээр эмэгтэйчүүдийг татдаг эрчүүд бий.

Бусад төстэй мэдээ

Хариулт үлдээх

Таны и-мэйл хаягийг нийтлэхгүй. Шаардлагатай талбаруудыг *-р тэмдэглэсэн

Санал богох

Дотуур хувцсаа зөв сонгох арга

Стиль, имиж, моод сайхан харагдах гээд ярихаар бид хамгийн түрүүн гадуур хувцсандаа л анха…